Xızı rayonunda YAP Xızı rayon təşkilatına təyin olunmuş sədrin təqdimatı keçirildi.
10 fevral 2022-ci il tarixdə Xızı rayon İcra Hakimiyyətinin inzibati binasında Yeni Azərbaycan Partiyasının İdarə heyətinin 28 yanvar 2022- ci il tarixli qərarı ilə YAP Xızı rayon təşkilatına sədr təyin olunmuş Ayaz Quliyevin təqdimatı keçirildi.
İclasa sədrlik edən Xızı rayon İcra Hakimiyyətinin başçısı cənab Xəzər Aslanov Ayaz Quliyevin əmək fəaliyyəti haqqında ətraflı məlumat verdi.
YAP Xızı rayon təşkilatının sədri Ayaz Quliyev bu təyinata görə Azərbaycan Respublikasının Prezidenti, Yeni Azərbaycan Partiyasının sədri, Ali Baş Komandan cənab İlham Əliyevə öz təşəkkürünü və minnətdarlığını bildirdi. O,qeyd etdi ki, bundan sonra da partiyamızın verdiyi bütün tapşırıqları layiqincə yerinə yetirəcək və cənab İlham Əliyevin apardığı uğurlu siyasəti rayon sakinləri arasında yüksək səviyyədə təbliğ edəcək.
