“Uşaq Hüquqları Aylığı” elan edilməsi ilə əlaqədar tədbir keçirilmişdir.
Birləşmiş Millətlər Təşkilatının “Uşaq hüquqları haqqında” Konvensiyasının qəbul edilməsinin növbəti ildönümü ərəfəsində Azərbaycan Respublikasının İnsan Hüquqları üzrə Müvəkkili (Ombudsman) tərəfindən 20 oktyabr -20 noyabr tarixlərinin ölkəmizdə “Uşaq Hüquqları Aylığı” elan edilməsi ilə əlaqədar olaraq Xızı Rayon İcra Hakimiyyəti, Abşeron-Xızı Regional Gənclər və İdman İdarəsi və Abşeron-Xızı Regional Təhsil İdarəsinin birgə təşkilatçılığı ilə 21 oktyabr 2026-cı il tarixində Giləzi qəsəbə Mikayıl Müşfiq adına tam orta ümumtəhsil məktəbində "Sağlam Gənclik, Sağlam Cəmiyyət" adlı maarifləndirici tədbir keçirilmişdir.
Tədbirdə uşaq hüquqları, uşaqların zorakılıq hallarından müdafiəsi, sağlam həyat tərzinin təbliği, zərərli vərdişlərdən olan narkomaniyanın insan sağlamlığına ziyanı barədə çıxışlar edilmiş, uşaqların fikirləri dinlənilmiş, onları maraqlandıran suallar cavablandırılmışdır.
