“Yaşıl dünya naminə həmrəylik ili” ilə əlaqədar ağacəkmə aksiyası davam edir.
Azərbaycan Respublikasının Prezidenti cənab İlham Əliyevin 25 dekabr 2023-cü il tarixli Sərəncamı ilə Azərbaycan Respublikasında 2024-cü ilin “Yaşıl dünya naminə həmrəylik ili” elan edilməsi ilə bağlı təsdiq olunmuş “Tədbirlər Planı”na uyğun olaraq 25 oktyabr 2024-cü il tarixində Xızı rayon Heydər Əliyev parkında, Xızı şəhərinin giriş hissəsində, Ekologiya və Təbii Sərvətlər Nazirliyinin Xızı rayonu ərazisində fəaliyyət göstərən “Azərbaycan Yaşıllaşdırma və Landşaft Quruluşu” Açıq Səhimdar Cəmiyyətinin 5 saylı İdarəsinin ərazisində Xızı Rayon İcra Hakimiyyətinin təşkilatçılığı ilə ağacəkmə kampaniyası keçirilmişdir.Kampaniya çərçivəsində Xızı Rayon İcra Hakimiyyətinin başçısı cənab Xəzər Aslanovun, rayonda fəaliyyət göstərən idarə, müəssisə və təşkilatların əməkdaşlarının iştirakı ilə 2150 ədəd müxtəlif cinsli ağac və kollar əkilmişdir.
