Xızı rayonunda Azərbaycan şairi və mütəfəkkiri İmadəddin Nəsiminin 650 illik yubileyinə həsr olunmuş ağacəkmə aksiyası keçirilmişdir
Azərbaycan Respublikasının Birinci vitse-prezidenti Mehriban xanım Əliyevanın təşəbbüsü ilə dahi şair İmadəddin Nəsiminin 650 illik yubileyi münasibətilə respublikamızda 650 min ağacın əkilməsi təklifi irəli sürülmüşdür. Bu münasibətlə Xızı Rayon İcra Hakimiyyətinin və Ekologiya və Təbii Sərvətlər Nazirliyinin birgə təşkilatçılığı ilə 06.12.2019-cu il tarixində Xızı rayonu, Giləzi qəsəbəsi ərazisində 6000 müxtəlif ağac növləri əkilib. Ağacəkmə aksiyasında Xızı Rayon İcra Hakimiyyətinin başçısı Xəzər Aslanovun rəhbərliyi ilə rayonun hüquq mühafizə orqanları, idarə, müəssisə və təşkilat kollektivləri, YAP rayon təşkilatının üzvləri, rayon ictimaiyyətinin nümayəndələri və rayon gəncləri iştirak ediblər. Aksiya zamanı əkilən tinglərin dibləri bərkidilib və suvarılıb. Kütləvi ağacəkmə aksiyasında əsasən sərv, göyrüş, küknar, tuya, qarağac və s. ağaclar əkilib. Ağacəkmə aksiyası konsert proqramı ilə keçirilmişdir. Xızı Rayon İcra Hakimiyyətinin başçısı aksiya iştirakçılarına yeni əkilmiş ağacların yaxşı inkişaf etməsi üçün daim qulluq etmələrini tövsiyyə etmiş və rayon ərazisində yaşıllıqların qorunmasında hər bir sakinin rolunun vacib olduğunu diqqətə çatdırmışdır.
.jpeg)
.jpeg)
